Gurien Demiraqi

Diplomuar për stomatologji në Fakultetin e Stomatologjisë, Universiteti i Tiranës në vitin 2003.

Nga viti 2003-2006 specializohet në Kirurgji Orale dhe Implantologji me DDS, BwKh Berlin (Spitali Universitar i Charite) dhe OMF Kirurgji, BwKh Amberg (Spitali Universitar i Friedrich-Alexander- Universität Erlangen-Nürnberg) Gjermani, BwzKh Koblenz (Spitali Universitar i Universitetit Johannes Gutenberg-Mainz) Gjermani. Nga viti 2007, pedagog dhe lektor i kirurgjisë orale; Kirurgji OMF; anestetikës orale dhe implantologjisë në Departamentin e Stomatologjisë, Fakulteti i Shkencave Mjekësore të Albanian University.

Nga viti 2009-2015 shef i katedrës së kirurgjisë OMF në Departamentin e Stomatologjisë, Fakulteti i Shkencave Mjekësore të Albanian University.

Nga viti 2010 Master dhe më vonë PHD në implantologji orale në Fakultetin e Stomatologjisë, Universiteti i Tiranës me temë “Patologjitë orale dhe sistemike që ndikojnë në osteointegrimin e implanteve, një studim krahasues i disa sistemeve implantare të përdorura në Shqipëri”.

Folës ndërkombëtar në evente të rëndësishme. Autor dhe bashkautor i shumë librave, si dhe i shumë artikujve në revista shqiptare dhe ndërkombëtare që kanë të bëjnë me kirurgjinë orale dhe maksilofaciale, ortodoncinë, endodoncinë dhe implantologjinë.

Redaktor i disa revistave të lidhura me stomatologjinë. Organizator i kurseve në graftim, implantologji në nivele të ndryshme, ortodonci e përshpejtuar dhe endodonci. Drejton poliklinikën private “DemiraqiDental” në Tiranë, Shqipëri.

Shpikësi i materialit graftues “Sticky Tooth”, Bashkë-shpikës i qasjes Baruti-Demiraqi, një teknikë e zgjerimit PAOO me protokoll graftimi të indeve të forta dhe të buta.

Anëtar i Shoqatës Evropiane për Osteointegrim (EAO), Federatës Botërore të Stomatologjisë (FDI), Shoqërisë së Evropës Jugore, Afrikës së Veriut, Lindjes së Mesme të Implantologjisë dhe Stomatologjisë Moderne (SENAME), Shoqërisë Stomatologjike Ballkanike (BASS), Anëtar dhe Ekspert i Akademisë Ndërkombëtare të Ekstraksionit (IEA), dhe Institutit Global të Implantologjisë (GII), i vlerësuar me 100 doktorët më të mirë në Stomatologji në 2020 nga Instituti Global Summits (GSI), Kryetar i Komitetit Shkencor të GSI, Regjent i Institutit Global Summits (GSI), Ambasador Ndërkombëtar i Akademisë së Kirurgjisë Orale (AOS), President Shqiptar i Akademisë Ndërkombëtare të Implantoprotezës dhe Osteokoneksionit (IAIO), President Shqiptar i Shoqatës Dentare të Inteligjencës Artificiale (DAIA), Profesor në Shkollën Universale të Shëndetit në Universitetin e Kalifornisë, Anëtar i Akademisë Ndërkombëtare për Estetikën Dentare e të Fytyrës (IADFE), mori në qershor 2025 çmimin Dentisti Ndërkombëtar i vitit 2025, Opinion Leader i disa firmave stomatologjike etj.

Fushat kryesore të interesit përfshijnë kirurgjinë orale dhe maksilofaciale, implantologjinë, ortodoncinë e përshpejtuar, rigjenerimin e drejtuar, kirurgjinë endodontike, faktorët e rritjes, profilet e urgjencës në implantologji etj.